ABŞ və Rusiya münasibətləri üçün yeni strateji konsepsiya hazırlamaq lazımdır.

Axar.az xəbər verir ki, bunu ABŞ mətbuatına açıqlamasında məşhur politoloq Henri Kissincer söyləyib. Onun sözlərinə görə, bu konsepsiya iki ölkə arasında yaranmış mübahisəli məsələlərin həllinə yardım etməlidir:

"İki ölkə arasında münasibətlər Soyuq müharibə bitdikdən sonra ən pis səviyyəyə çatıb. Hər iki ölkənin uzağa hədəflənmiş maraqları elə bir dünya nizamı istəyir ki, hazırkı dünya dəyişkənlikləri çoxqütblülük və qloballaşmaya transformasiya edə bilsin. Formalaşacaq çoxqütblü dünyada Rusiyaya ABŞ-a qarşı təhdid yaradan vasitə kimi yox, yeni qlobal balansın əsas elementi kimi baxılmalıdır. Ukrayna isə bu məsələdə iki ölkədən birinin forpostu yox, iki ölkə arasında körpü olmalıdır".

Qeyd edək ki, Kissincer bir müddət öncə Rusiyaya səfər edərək, Prezident Putinlə görüşüb.