Dünən Parisdə Fransa Prezidenti Emmanuel Makron və Ukrayna lideri Vladimir Zelenski ilə görüşən ABŞ-ın yeni seçilmiş Prezidenti Donald Tramp Ukraynanın razılıq əldə etmək istədiyini deyib və döyüşləri dərhal dayandırmağa çağırıb.

Axar.az xəbər verir ki, bu barədə Tramp “Truth” sosial şəbəkəsində yazıb.

“Zelenski və Ukrayna sövdələşmək və çılğınlığı dayandırmaq istəyir. Ukrayna 400 min əsgər və çox sayda mülki vətəndaşı itirib. Dərhal atəşkəs və danışıqlar olmalıdır”, - o bildirib.

Çoxlu insanın həyatının boşa getdiyini və çoxlu ailənin məhv edildiyini vurğulayan Tramp xəbərdarlıq edib ki, davam edən münaqişə daha ​​böyük və daha pis bir şeyə çevrilə bilər:

“Mən Vladimiri (Rusiya Prezidenti Vladimir Putin – red.) yaxşı tanıyıram. Onun hərəkətə keçmək vaxtı çatdı. Çin kömək edə bilər. Dünya gözləyir”.