USAİD 100-dən çox ölkədə fəaliyyət göstərən və illik büdcəsi 50-60 milyard dollar olan cinayətkar şəbəkəyə çevrilib.

Axar.az xəbər verir ki, bunu Rusiya Dövlət Dumasının sədri Vyaçeslav Volodin deyib.

“Öz nizamnaməsinə görə, USAİD iqtisadiyyat, səhiyyə, təhsil və təcili humanitar yardımı dəstəkləməlidir. Amma faktiki olaraq agentlik 100-dən çox ölkədə ofisləri və illik büdcəsi 50-60 milyard dollar olan əsl cinayətkar şəbəkəyə çevrilib. USAİD öz fəaliyyəti dövründə bəzi cinayətlərdə iştirak edib. Bu gün USAİD-in Vaşinqtonda yerləşən qərargahı bağlıdır. Onun ləğvi məsələsi də qaldırılır. İndi vacib olan budur ki, törədilən cinayətlərdə günahkarlar cəzalandırılsın və belə hallar bir daha təkrarlanmasın. Ukrayna, Gürcüstan, Moldova, Ermənistan və digər ölkələr USAİD-in “demokratiyanın təşviqi” yardımından zərər çəkib”, - o bildirib.