Ağ Evin Oval kabinetində Donald Tramp və İlon Maskın birgə bəyanatı zamanı maraqlı anlar yaşanıb. Belə ki, siyasətçilər dövlət aparatının islahatını müzakirə edərkən Maskın dörd yaşlı oğlu ictimaiyyətin diqqətini üzərinə çəkib.

Axar.az Oxu.az-a istinadla xəbər verir ki, bu barədə sosial şəbəkələrdə görüntülər yayılıb.

Kadrlardan şıltaq uşağın demokratiya və büdcə xərcləri haqqında söhbətlərdən açıq şəkildə darıxdığı üçün özünü başqa cür məşğul etməyə qərar verdiyi görünür: üz-gözünü qırışdırır, atasının üzünə toxunur, onun sözünü kəsir və hətta Trampa nəsə pıçıldayır, o da təbəssümlə cavab verir.

Bir məqamda balaca Mask burnunu qurdalamağa başlayır - bu an artıq sosial şəbəkələrdə memə çevrilib.

İlon Mask dəfələrlə oğlu ilə rəsmi tədbirlərdə iştirak edib və bu təsadüfi deyil. Milyarder əmindir ki, dünya doğum böhranı ilə üzləşir və müntəzəm olaraq insanları daha çox uşaq dünyaya gətirməyə çağırır. O özü üç qadından 12 uşaq atasıdır.