ABŞ-ın Ukrayna ilə nadir metallara dair müqaviləsi 1 trilyon dollar dəyərində ola bilər.

Axar.az xəbər verir ki, bunu ABŞ Prezidenti Donald Tramp Ağ Evdə jurnalistlərə deyib.

“Bu, çox böyük bir işdir. Bu, 1 trilyon dollarlıq müqavilə ola bilər”, - o bildirib.

Tramp qeyd edib ki, ABŞ Ukraynaya yardıma 350 milyard dollar xərcləyib:

“Avropa pulunu geri alacaq, çünki kredit olaraq göndərib, biz isə onlara sadəcə 300 və ya 350 milyard verdik, dəqiq heç kim heç nə bilmir. Mənim bu sualıma cavab belə verə bilmirlər, amma çox güman ki, məbləğ daha çoxdur. İndi biz o pulu geri almaq istədiyimizi deyirik”.

O vurğulayıb ki, Vladimir Zelenski müqaviləni imzalamaq üçün fevralın 28-də Vaşinqtona gəlməyi planlaşdırır.

Qeyd edək ki, bundan öncə sazişin 500 milyard dollar dəyərində olacağı bildirilmişdi. Zelenski isə təhlükəsizlik təminatı verilmədiyi üçün sazişi imzalamaqdan imtina etmişdi.