Avropa Birliyi ABŞ-ın elan edəcəyi yeni rüsumlara cavab verəcək, lakin bu, uyğun zamanda baş verəcək.
Axar.az xəbər verir ki, bunu Avropa Komissiyasının nümayəndəsi Ulof Gill deyib.
Gill qeyd edib ki, AB hazırda "gözləmə rejimindədir", lakin artıq rüsumların mümkün təsirini təhlil edib.
Onun sözlərinə görə, cavab iki mərhələdən ibarət olacaq. Birinci mərhələ artıq qüvvədə olan polad və alüminium rüsumlarına aid olacaq, ikinci isə digər bütün sahələri əhatə edəcək:
“Hazırda birinci mərhələ daxili müzakirələr mərhələsindədir, ikinci isə elan edildikdən sonra ictimaiyyətə təqdim olunacaq”.
Tramp çərşənbə günü bütün dünyadan idxal edilən mallara rüsum tətbiq edəcəyi ilə hədələyib. Mart ayında onun administrasiyası polad və alüminium idxalına rüsumlar tətbiq edib və cümə axşamı avtomobillərə tətbiq ediləcək yeni rüsumların qüvvəyə minəcəyini bəyan edib.