Amerika rəsmilərinin ritorikasının əksinə olaraq, İranın nüvə proqramı onlar üçün təhlükə deyil. İslam Respublikası bir və ya bir neçə nüvə bombası istehsal edə bilsə belə, bu, ABŞ və onun müttəfiqlərinin on minlərlə nüvə bombasına qarşı təhlükə sayılmayacaq.

Axar.az xəbər verir ki, bunu İran rəhbəri Əli Xameneinin ofisinin qəzeti olan “Keyhan” yazıb.

Bundan əvvəl ABŞ-la danışıqların mənasız olduğunu vurğulayan qəzet əlavə edib:

“Nüvə sazişini canlandırmaq vəd etsələr belə, bu, sadəcə olaraq İslam Respublikasını çirkləndirmək və tələyə salmaq üçün aldadıcı bir əməliyyatdır. Rəqibin danışıqlarda əsas məqsədi İran millətinin birliyini pozmaqdır”.