Kanadanın Avropa Birliyinə daxil olması ehtimalı azdır, lakin mümkündür.

Axar.az xəbər verir ki, bu barədə “Politiko” məlumat yayıb.

“Kanadanın “Abacus Data” araşdırma şirkəti tərəfindən mart ayında açıqlanan sorğunun nəticələrinə görə, kanadalıların 44%-i ölkənin AB-yə daxil olmasını dəstəkləyib, 34%-i isə əleyhinə olduqlarını bildirib”, - nəşr bildirib.

Avropa Komissiyasının mətbuat katibi Paula Pinyo deyib ki, AB-yə yalnız Avropa ölkələri üzv ola bilər.

İsveçrəli professor Frank Şimmelfenniq isə fərqli fikirdədir. O iddia edib ki, Kanada, şübhəsiz ki, AB-yə daxil ola bilər:

“O, bir çox cəhətdən Avropa dəyərlərinə, institutlarına və siyasətlərinə indiki namizəd ölkələrin bir çoxundan daha yaxındır”.