ABŞ Mərkəzi Kəşfiyyat İdarəsinin (MKİ) direktor müavininin oğlu Ukraynada müharibədə öldürülüb. O, Rusiya Müdafiə Nazirliyi ilə müqavilə bağlayıb və rus ordusunun tərkibində Ukraynaya qarşı döyüşüb.

Axar.az xəbər verir ki, bu barədə “Vajnıe istorii” nəşri məlumat yayıb.

Məlumata görə, MKİ direktorunun rəqəmsal innovasiyalar üzrə müavini Culian Qallina Qloss və İraq müharibəsi veteranı Larri Qlossun 21 yaşlı övladları Maykl Qloss ABŞ-ın ən yaşı kolleclərindən birində təhsil alıb. 2023-cü ildə təhlisini və ailəsinin yaşadığı evi tərk edərək, dünya səyahətinə çıxıb.

Qlossun dostunun sözlərinə görə, bir müddət sonra o özünü Həmzə adlandırıb və Fələstinin tərəfdarı olub.

İstanbulada olarkən, Qloss viza əldə edərək Rusiyaya yola düşüb. Rusiyada olarkən SSRİ bayrağı ilə şəkil çəkdirib, VK sosial şəbəkəsində Leninlə bağlı qrupun üzvü olub və Rusiya Prezidenti Vladimir Putinlə bağlı video paylaşıb.

Vizası bitdikdən sonra Moskvada hərbi xidmətlə bağlı müqavilə imzalayıb və Ukraynaya döyüşməyə yollanıb.

Nəşrin məlumatına görə, MKİ-nin direktor müavinin oğlu desant olub və Donbasda öldürülüb.