ABŞ Prezidenti Donald Tramp “Truth Social” sosial şəbəkəsində özünün Roma Papası obrazında təsvir edildiyi şəkil paylaşıb.

Axar.az Teleqraf-a istinadən xəbər verir ki, süni intellekt vasitəsilə yaradılmış şəkildə Tramp qızılı stulda əyləşmiş vəziyyətdə, düyməli, dik yaxalıqlı, uzun, ağ sutanada təsvir edilib.

Trampın sağ əlinin adsız barmağında Roma papasının hakimiyyət simvolu olan balıqçı üzüyünü görmək olar. Bu üzük pontifikin peşəsi balıqçılıq olan həvari Pyotrun varisi olduğunu xatırladır.

Ağ Ev sahibi şəklə heç bir şərh yazmayıb.

Xatırladaq ki, dəfnində ABŞ prezidentinin də iştirak etdiyi Roma Papası Fransiskin vəfatından sonra Tramp zarafatla pontifik olmaq istədiyini bildirmişdi.