Ankara Hüquq Məhkəməsi müxalif Səadət Partiyasının keçmiş sədri Təməl Karamollaoğlunun Türkiyə Prezident Rəcəb Tayyib Ərdoğana qarşı ifadələrinə görə 70 min lirə (təxminən 3 min manat) mənəvi təzminat ödəməsinə qərar verib.

Axar.az Teleqraf-a istinadən xəbər verir ki, bu barədə Prezident Ərdoğanın vəkili Hüseyn Aydın sosial media hesabından açıqlama yayıb.

“Təməl Karamollaoğlunun 2024-cü il fevralın 22-də bir televiziya kanalında prezidentin guya mərhum Nəcməddin Ərbakanı həbs etdirməyə və evini polislə mühasirəyə alaraq onu gözdən salmağa çalışdığı iddiası ilə bağlı məhkəmə prezidentimizin xeyrinə qərar verib”, - vəkil bildirib.