Avropa Birliyi Şurası mayın 27-də AB haqqında müqavilənin 7-ci maddəsinə uyğun olaraq Macarıstanın səsvermə hüququndan məhrum edilməsi məsələsinə dair dinləmələr keçirəcək.

Axar.az xəbər verir ki, bu barədə qurumun saytında məlumat yayılıb.

“Nazirlər Avropa Parlamentinin təşəbbüsü ilə 7-ci maddə proseduru çərçivəsində Macarıstanla bağlı səkkizinci dinləmə keçirəcək”, - məlumatda deyilib.

Qeyd edək ki, AB haqqında müqavilənin 7-ci maddəsi ümumi dəyərlərə zidd hərəkətlərlə əlaqədar üzv dövlətlərin müəyyən hüquqlarının, o cümlədən ölkənin AB Şurasındakı nümayəndəsinin səsvermə hüququnun dayandırılmasının mümkünlüyünü nəzərdə tutur.