Hazırda Ukrayna və Belarus sərhədində “1000-in 1000-ə” prinsipi əsasında ən böyük əsir mübadiləsi aparılır.

Axar.az xəbər verir ki, bu barədə Rusiyanın “Mash” Teleqram kanalı məlumat yayıb.

Məlumata görə, Rusiya müharibənin üç ili ərzində əsir düşən hərbçilərinin əksərini geri qaytarır:

“Ukrayna isə əsir düşən hərbçilərinin sadəcə 10%-ni geri qaytarır. Hazırda Ukraynada 1300-ə yaxın rus hərbçisi əsirlikdədir. Rusiya əsirliyində isə 10 minə yaxın ukraynalı var”.

Qeyd edək ki, ABŞ Prezidenti Donald Tramp Rusiya ilə Ukrayna arasında genişmiqyaslı əsir mübadiləsinə dair razılığın əldə olunduğunu yazmışdı.