Niderland Ukrayna üçün nəzərdə tutulmuş F-16 qırıcı təyyarələrinin son partiyasını göndərib. Təyyarələr “Folkel” aviabazasından Belçikaya yola salınıb, orada onlar çatdırılma üçün hazırlanacaq.

Axar.az xəbər verir ki, bu barədə Niderland Müdafiə Nazirliyi məlumat yayıb.

Bu barədə danışan müdafiə naziri Ruben Brekelmans qeyd edib:

“F-35-lərə keçid fonunda biz F-16-larla vidalaşırıq, bu təyyarələr üçün Ukraynadan daha yaxşı təyinat nöqtəsi təsəvvür edə bilməzdim. Rusların gündəlik hava hücumları səbəbindən F-16 Ukrayna üçün mühüm əhəmiyyət kəsb edir. Bu, onlara Rusiya hücumlarını dəf etməyə imkan verir”.