Ukrayna pilotsuz uçuş aparatları ilə Rusiyanın Murmansk, İrkutsk, İvanovo, Ryazan və Amur vilayətlərindəki aerodromlara zərbələr endirib.

Axar.az xəbər verir ki, bu barədə Rusiya Müdafiə Nazirliyi məlumat yayıb.

Məlumata görə, İvanovo, Ryazan və Amur vilayətlərindəki hücumlar dəf edilib.

Açıqlamaya görə, Murmansk və İrkutsk vilayətlərində hava limanlarının bilavasitə yaxınlığındakı ərazilərdən PUA-ların buraxılmasından sonra bir neçə təyyarə yanıb.

"Yanğınlar söndürülüb. Hərbçilər və mülki şəxslər arasında itki yoxdur. Terror aktlarının iştirakçılarından bəziləri saxlanılıb", - deyə bildirilib.

Qeyd edək ki, Ukrayna ordusu Rusiyanın strateji bombardmançılarının yerləşdiyi aerodromlara PUA-larla hücumlar edib. Beş şəhərdə beş aerodroma endirilən zərbələr nəticəsində 40-dən çox təyyarə məhv edilib.