Pakistan hökuməti ABŞ Prezidenti Donald Trampın Hindistanla münaqişənin həllində vasitəçiliyə görə 2026-cı il Nobel Sülh Mükafatına namizədliyini irəli sürüb.

Axar.az xəbər verir ki, bu barədə ölkə rəsmiləri sosial şəbəkələrdə məlumat yayıblar.

Bildirilib ki, Tramp eyni vaxtda həm İslamabad, həm də Yeni Dehli ilə işləyərək münaqişənin həllinə töhfə verib və böyük strateji uzaqgörənlik və müdriklik nümayiş etdirib. Pakistan rəsmilərinin sözlərinə görə, Trampın hərəkətləri iki dövlət arasında gərginliyin azalmasına səbəb olub:

“Prezident Trampın liderliyi onun praqmatik diplomatiya və səmərəli sülhməramlılıq ənənələrini davam etdirdiyini açıq şəkildə göstərir”.

Qeyd edək ki, daha öncə Tramp açıqlamasında Nobel mükafatını almayacağını bəyan edib.