Hovuzlardan istifadə edən vətəndaşlar öz sağlamlıqlarını qorumaq üçün bir sıra gigiyena qaydalarına əməl etməlidirlər.

Bu barədə Axar.az-a Səhiyyə Nazirliyi Respublika Gigiyena və Epidemiologiya Mərkəzindən məlumat verilib.

Qurumdan bildirilib ki, vətəndaşlar hovuza daxil olmamışdan əvvəl duş qəbul etməlidirlər:

“Xəstəlik əlamətləri (dəri-zöhrəvi, yoluxucu və s.) olduqda hovuza girmək olmaz. Şəxsi dəsmal, baş örtüyü və rezin ayaqqabıdan istifadə edilməlidir, hovuzdan çıxdıqdan sonra yenidən duş qəbul etmək lazımdır. Bu qaydalara həm istifadəçilər, həm də obyekt rəhbərlərinin riayət etməsi vacibdir. Obyekt sahibləri hovuzlarda təmizlik və dezinfeksiya işlərini vaxtında həyata keçirməli, hovuz suyunda sərbəst qalıq xlorun ölçülməsi və digər tədbirlərin aparılmasını təmin etməlidir”.