Bakı marketlərində tərkibində bağırsaq çöpləri aşkarlanmış şirniyyatlar satılır.

Axar.az xəbər verir ki, Standartlaşdırma, Metrologiya və Patent üzrə Dövlət Komitəsi tərəfindən bu ilin yanvar ayında istehlak bazarında monitorinqlər həyata keçirib.

Baxış zamanı mağazalarda satılan Polşa istehsalı "Mister Ron" nişanlı şokaladlı konfetlərdə bağırsaq çöpləri qrupundan olan bakteriyalar aşkar edilib.

2015-ci il yanvar ayı ərzində istehlak bazarında aparılan monitorinqlərin nəticələri barədə statistik məlumata əsasən, mağazalarda satılan Rusiyanın "Evrokond" firmasının istahsalı olan "Yuvelirnoye" nişanlı şəkərli peçenyelərinin, Rusiyanın "Lakom" firmasının istehsalı olan "Vesyoliy zoosad" nişanlı sərt peçenyelərinin və Rusiyanın "Rot Front" firmasının istehsalı olan "Rot Front" nişanlı "Leqenda" vaflilərinin ümumi mikroorqanizimlərin sayına görə standartın tələblərinə cavab vermədiyi müəyyənləşdirilib.

Həmçinin, monitorinqlər zamanı "Cəlilabad Şərab 2" ASC istehsalı olan "Starıy mayak" nişanlı araqda da alddehidlərin miqdarına görə standartın tələblərinə cavab vermədiyi aşkarlanıb.