Axar.az
Yuxarı

Axar.Az Logo

Gərək, mütləq ölkə rəhbəri tapşırıq versin?

Ana səhifə Siyasət
12 Punto 14 Punto 16 Punto 18 Punto

5 il əvvəl bu tribunadan böyük dövlət adamı Heydər Əliyevin o vaxtkı maliyyə nazirinə tapşırığını - xalqın suallarına məhz özünün cavab verməli olduğunu xatırlatmışdıq. 3 aprel tarixində Prezident Sarayının qarşısına ümid yeri kimi gələn itkin hərbçi valideynlərinin qarşısına çıxan Baş prokuror Kamran Əliyevin də davranışları ehtirama layiqdir. Biz Prokurorluğun keçmişi ilə müqayisələr aparmırıq, lakin Administrasiya-Baş Prokurorluq arasındakı yolu övladları savaşdan keçən ata-analarla birgə addımlamaq, 5 aydır nisgil və ağrı yaşayan valideynlərə səmimi canıyananlıq göstərmək, sərt ittihamlara soyuqqanlıqla cavab vermək nümunəvi hərəkətdir. Yeni məmur obrazları, fərqli idarəçilik mədəniyyəti məhz belə formalaşır. Biz televiziya və radio kanallarında həmin dərdli adamlara tribuna verilmədiyinə dair tənqidləri qəbul etməli, canlı yayımlar keçirən alternativ kanalların baxış sayından və yazılan şərhlərdən nəticə çıxarmalıyıq.

Axar.az xəbər verir ki, bu sözləri parlamentin bugünkü iclasında komitə sədri Zahid Oruc bildirib.

O deyib ki, başqa bir nümunə də var:

“Azəriqaz”ın sədri Ruslan Əliyev son 4 ayda hər həftə sosial şəbəkələr üzərindən canlı yayımlar edərək minlərlə insanın qarşısında ən sərt suallara cavab verir, video qəbullar keçirir, göstərişlərini açıq kanallarla edir. Deməli, Mirqasiya Xidməti rəhbərinin 3 il əvvəl cəsarətlə çıxdığı çevik ünsiyyət platformasına hökumətimiz tam tərkibdə qoşulsa, dövlətin informasiya siyasəti köklü dəyişər. Lakin bütün hakimiyyət institutlarının davranışları belədirmi? Təəssüf ki, yox! Baxın, 2016-cı ilin Dördgünlük aprel müharibəsində qələbəmizdən sonra orduya qarşı qurulan qəsd planı, yaxud onun üçün saxta əsaslar yaradan düşmən hiyləsi nəticəsində övladlarını itirən və onlara qarşı işgəncə faktı məhkəmə qərarı ilə təsdiq olunan, lakin dövlətdən üz döndərməyən, buna görə hər cür ehtirama layiq olan analara hərbi strukturlar, eləcə də hərbi prokurorluq və məhkəmə orqanları həm özləri, həm də də cəmiyyətdə nüfuzlu insanlar vasitəsilə məlum linç kampaniyasını durdurmaq üçün tədbirlər görə bilməzdilərmi? Gərək, mütləq ölkə rəhbəri tapşırıq versin? Müavinətləri kəsilən onminlərlə insanın, kredit ala bilməyən sahibkarın və yaxud, haqsız hökm-qərarla üzləşən vətəndaşın qarşısına çıxmamaq da ciddi fəsadlar törədir”.

Millət vəkili bildirib ki, müasir kommunikasiya vasitələri tamam yeni idarəçilik tələbləri ortaya qoyur:

“Bizə kənardan mövzu, gündəlik, siyasət və rəy diktə edənlərin qarşısına yalnız xalqla daimi kommunikasiya ilə çıxmaq olar. Bəs onda hardadır ənənəvi partiya konfransları, hardadır aktivlərlə açıq - olsun virtual - görüşlər, canlı yayımlı müşavirə və iclaslar? Gözəl binalara və optik internet resurslarına, yüksək markalı kompüterlərə malik olmaqla iş bitmir. Qələbəmizi sürətlə xərcləmək, əsrlərə yetəcək Zəfərimizi gündəlik hüquq, sosial problemlər, idarəetmə qayğıları içərisində əritmək olmaz. Tənqid və ittihamçılar təkcə hökuməti, bir strukturu deyil, sonda dövləti hədəf seçirlər. İnformasiya vakuumunun yerini şayiə və böhtanlar tutur. Dövlət nə qədər işlər görsə də, təbliğat və təqdimatlar cəmi bir günə yetir. Axı ictimai rəy təkcə rəsmi vasitələrlə formalaşmır. Hər gün insanların qəlbi və ruhu uğrunda əsil “səlib yürüşü” gedir. Ona görə də hamımız qəbul etməliyik - hakimiyyət xalqla kommunikasiya, ünsiyyət, dialoq deməkdir!”

Tarix
2021.04.23 / 11:55
Müəllif
Axar.az
Şərhlər
Digər xəbərlər

Qriqoryanla Patruşev arasında Qaragöl müzakirəsi

Putinlə Paşinyan danışdı: Kremldən ciddi tələb...

Bayramov və ATƏT sədri arasında mühüm müzakirə

Bayramov Lavrovla sərhəddəki gərginliyi müzakirə etdi

Prezident və xanımı Şuşada qala-konsertdə

Prezident Şuşada məşhur şüarı səsləndirdi - Video

İlham Əliyev Yuxarı Gövhərağa məscidində - Video

Ulu Tanrı, Azərbaycanı daim qoru! - Mehriban Əliyeva

Akardan Azərbaycan açıqlaması: Mübarizə aparırıq...

Tokayev İlham Əliyevə zəng etdi

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla