"Sülh Körpüsü" (Peace Bridge) təşəbbüsü çərçivəsində 21-22 noyabr tarixlərində Bakıya səfər edən erməni ekspertlərin ölkələrinə qayıtdıqdan sonra mətbuat konfransında Bakı ilə bağlı səsləndirdiyi fikirlər maraqla qarşılanıb.

Axar.az Bakupost.az-a istinadən xəbər verir ki, İrəvanda mətbuat konfransı zamanı səfəri şərh edən nümayəndə heyəti iki xalq və ölkələr arasındakı təəccüblü oxşarlıqlardan danışıb.

Erməni ekspertlər oxşarlıqları vurğulayarkən Bakıda, ya İrəvanda olduqlarını unutduqlarını qeyd ediblər.

"Ən çox yayılan şey o idi ki, telefonda danışanda, ya da zəngə cavab verəndə, "hə, brat" deyirlər. Bax o "hə, brat"ı elə deyirlər, həmin anda sənə elə gəlir ki, ermənicə danışırlar. Bu baxımdan o qədər oxşarlıq var ki, hətta çox təəccüblü gəlirdi", - QHT rəhbəri Areq Koçinyan bildirib.

Qeyd edək ki, beş nəfərdən ibarət nümayəndə heyəti 21-22 noyabr tarixlərində Bakıda vasitəçisiz dialoq formatında görüşlər keçiriblər.

Daha ətraflı videoda: