Hazırda iki proses gedir. Mən istəmirəm bu prosesə cəlb olunanların adını çəkim. Ən pisi odur ki, bunların arasında müxtəlif hazırlıq fəaliyyəti ilə məşğul olan şəxslər var.

Axar.az Modern.az-a istinadən xəbər verir ki, bunu Dövlət İmtahan Mərkəzinin sədri Məleykə Abbaszadə jurnalistlərin təhsil eksperti Kamran Əsədovla bağlı sualına cavab verərkən bildirib.

O qeyd edib ki, bu cür şəxslər DİM-lə abituriyent və cəmiyyət arasında nifaq salıblar, səhv informasiya veriblər.

“Çox istərdim ki, bu cür insanlar təhsildən uzaqlaşsınlar”, – o əlavə edib.

Xatırladaq ki, Kamran Əsədov ekspert tanışı Gündüz Abbasovla birlikdə 2025-ci ildə keçirilən qəbul və buraxılış imtahanlarında qanunsuz texniki vasitələrdən istifadə halları ilə bağlı ittiham olunur və hazırda həbsdədir.