"Heç kəs Əkrəm Əylislinin istedadını inkar etmir. Amma o şəxsiyyətsiz adamdır".

Axar.az xəbər verir ki, bu sözləri keçmiş daxili işlər naziri İsgəndər Həmidov Kult.az-a verdiyi müsahibəsində deyib. Onun sözlərinə görə, Əkrəm Əylisli satqın adamdır:

"Əkrəm Əylisli Sovet dövründə yüz qram arağa və yüz qram kolbasaya kimi istəsən satardı. Gördü ki, Orxan Pamuk türk millətini pislədi və Nobel mükafatı aldı. Salman Rüştü Quranı pislədi, dünyayla bir oldu. Əkrəm Əylisli də bu yolu keçdi. Milləti, vətəni satdı.

Əkrəm bu milləti şöhrətə satdı. Yerəvanda Əkrəm Əylislinin adına küçə var. Bunu deyirəm. Ermənilər fransızlarla birləşib Əkrəm Əylisliyə Nobel mükafatı verdirəcəklər. Geci-tezi var. Amma min dənə Nobel mükafatındansa, küçədə bir ağbirçək qadının sənə "sağ ol" deməyi gözəldir. Əkrəm bunu seçmədi, o birisini seçdi".