Həbsxanaya telefon keçirmək istəyən şəxs saxlanılıb.

Ədliyyə Nazirliyi Penitensiar Xidmətin İctimaiyyətlə əlaqələr şöbəsindən Axar.az-a verilən məlumata görə, 11 saylı cəzaçəkmə müəssisəsində cəza çəkən, Cinayət Məcəlləsinin 120.2.2 və 120.4 maddələrinə əsasən 14 il müddətinə azadlıqdan məhrum edilmiş məhkum Cəsarət Rasim oğlu Mustafayevin yanına qısamüddətli görüşə gəlmiş bacısı, Zümrüd Rasim qızı Mustafayevanın görüş otağında üzərinə və əşyalarına baxış keçirilib.

Görüş zamanı əl çantasının içərisindən 1 ədəd "Nokia" markalı və 1 ədəd "Samsung" markalı mobil telefon aparatları, 1 ədəd "Cin" və 1 ədəd "Azercell" danışıq kartları aşkar edilərək götürülüb.

Fakt üzrə araşdırma aparılır.