Nəsimi RPİ Narkotiklə Mübarizə Bölməsinin əməkdaşları Bakı şəhər sakini, 1981-ci il təvəllüdlü Vahid Nuriyevdən 3 kiloqrama yaxın narkotik vasitə olan marixuana aşkar edib.

Bakı şəhər Baş Polis İdarəsindən Axar.az-a verilən məlumata görə, şübhəli şəxs qismində saxlanılan V.Nuriyev təxminən 10 ilə yaxındır narkotik vasitələrin qəbulu ilə məşğuldur. Əvvəllər məhkumluğu olmayan Vahid aşkar olunmuş narkotik vasitəni 3 mikrorayon ərazisində tanımadığı şəxsdən 1000 manata əldə etdiyini bildirib. İnandırıcı olmasa da o, dindirmə zamanı narkotik vasitəni öz istifadəsi üçün əldə etdiyini deyib. Hazırda narkotik vasitənin mənbəyinin tapılması istiqamətində əməliyyat-axtarış tədbirləri keçirilir.

Faktla bağlı Nəsimi RPİ İstintaq Şöbəsində araşdırma aparılır.