Ana səhifə Toplum |
Azərbaycanın gömrük orqanları qaçaqmalçılıq hallarına qarşı mübarizə tədbirlərini davam etdirir.
Dövlət Gömrük Komitəsindən Axar.az-a verilən məlumata görə,
Tovuz Gömrük İdarəsinin Gömrük hüquqpozmalarına qarşı mübarizə
şöbəsinə daxil olmuş məlumat əsasında "Sınıq Körpü" gömrük postunda
Gürcüstandan Azərbaycana gələn Azərbaycan vətəndaşı Babayev İsa
Sabir oğlunun etibarnamə ilə idarə etdiyi "MerSedes Benz" markalı,
10 LD 955 dövlət qeydiyyat nişanlı minik avtomobilinə gömrük
nəzarəti həyata keçirilib.
Baxış zamanı nəqliyyat vasitəsinin mühərrik sisteminin yanından və
avtomobilin yük yerindən 1.889 ədəd pirotexniki vasitələr və 43
ədəd müxtəlif markalı mobil telefonlar, Rusiyadan Gürcüstan
ərazisindən tranzit keçməklə Azərbaycana idxal nəqliyyat xətti ilə
gələn Rusiya vətəndaşı Qorodinskiy Artur Alekseyeviçin idarə etdiyi
"Lada 219110" markalı, M 908 TA 161 dövlət qeydiyyat nişanlı minik
avtomobilinə isə gömrük baxışı zamanı həmin avtomobilin yük
yerindən və avtomobilin salonundan 1 ədəd dəyənək, 213 ədəd
müxtəlif markalı mobil telefon və mobil telefon üçün 176 ədəd
aksesuar gömrük nəzarətinə bəyan olunmamış şəkildə aşkar edilərək
saxlanılıb.
Hər iki faktla bağlı Dövlət Gömrük Komitəsinin İstintaq İdarəsində
təhqiqat aparılır.
Tarix
2014.12.10 / 12:29
|
Müəllif
Axar.az
|