Masazırda mağazaların qəniminə çevrilən oğru qrupu yaxalanıb.

Bu barədə Axar.az-a Abşeron Rayon Polis Şöbəsindən məlumat verilib. Əvvəllər məhkum olunmuşlardan ibarət qrup üzvləri ayrı-ayrı rayonlardan olsalar da, qohumdurlar. Belə ki, qrup üzvləri 1991-ci ildə Siyəzəndə anadan olan, Heydər Əliyev peospekti ev 23 mənzil 4-də qeydiyyatda olan Mirzaağa Azər oğlu Əliyev və 1996 -cı il təvəllüdlü, Salyan rayonunda doğulan və yaşayan Kənan Vilayət oğlu Həsənov Masazır qəsəbəsində bir neçə mağazaya daxil olaraq külli miqdarda ziyan vurublar. Araşdırma nəticəsində müəyyən olunub ki, dəstə üzvləri Nəsib Xosarxan oğlu Rüstəmovun ərzaq mağazasından 1500 manat pul, 150 manatlıq danışıq kartı, Ə.Vahid küçəsində yerləşən və Dilarə Vəli qızı Süleymanovaya məxsus ərzaq mağazasından danışıq kartı, siqaret və ərzaq oğurlayıblar.

Qrup üzvləri barəsində Cinayət Məcəlləsinin 177.2.3 və 177.2.4- cü maddəsi ilə cinayət işi açıııb.

Abşeron rayon Polis Şöbəsindən Axar.az-a bildirilib ki, dəstə üzvlərinin başqa cinayətlərdə əlinin olub-olmadığı araşdırılır.