Lənkəranda evi yarılan məktəb direktoru sələmçi imiş.

Axar.az-a bölgədən verilən xəbərdə belə iddia olunur. Rayonun Darquba kənd orta məktəbinin direktoru işləyən 1973-cü il təvəllüdlü Mais Vəfa oğlu Kazımovun evindən 100 min manatlıq qızıl-zinət əşyaları aparılıb. Eyni zamanda, mənzildən mobil telefon, noutbukla yanaşı kredit kartları da oğurlanıb.

Mənbə iddia edir ki, bir kəndin məktəb direktorunun evində 100 min manat dəyərində qızıl-zinət əşyası, o cümlədən kredit kartlarının olması onun sələmçiliyi ilə əlaqədardır. M.Kazımovun evini qarət edən oğru da onun sələmçilik etməsindən agah olub.

Polisin həyata keçirdiyi əməliyyat axtarış tədbirləri nəticəsində hadisəni törətməkdə şübhəli bilinən Lənkəran şəhər sakini, 1994-cü il təvəllüdlü Nicat İbad oğlu Əlizadə tutularaq istintaq orqanlarına təhvil verilib.