Lənkəranda arvadının boğazını kəsən kişinin psixoloji problemləri olub, ruhi xəstə imiş.

Axar.az-ın əldə etdiyi özəl xəbərə görə, yanvarın 4-də rayonun Liman şəhərində baş verən dəhşətli cinayətin səbəbi ailə münaqişə zəminində baş versə də, cinayətkarın psixoloji problemləri olub. 1960-cı il təvəllüdlü Fərhad Zaman oğlu Həbibov həyat yoldaşı 1965-ci il təvəllüdlü Zəminə Əliş qızı Həbibovanın boğaz, qarın və sağ bilək nahiyəsinə bıçaqla zərbələr vurub.

Onun ruhi xəstə olduğu bildirilir. Qadın ağır vəziyyətdə Lənkəran Mərkəzi Rayon Xəstəxanasına çatdırılıb. Hazırda həkimlər qadını xilas etmək üçün lazımi tədbirlər görürlər.

Hadisəni törətmiş F.Həbibovun könüllü polisə təslim olduğu barədə APA məlumat yayıb.

Faktla bağlı Lənkəran Rayon Prokurorluğunda araşdırmalara başlanıb.