Bakıda "Sahil" bağında başı kəsilən gənc haqda Daxili İşlər Nazirliyi məlumat yayıb.

Axar.az xəbər verir ki, məlumatda yanvarın 6-da Səbail rayonunda yerləşən Sahil bağında naməlum şəxs Bakı şəhər sakinləri Həsən Həsənova və Orxan Məmmədzadəyə bıçaqla xəsarət yetirdiyi qeyd edilir. Həsən Həsənovun öldüyü, O.Məmmədzadənin isə yaralandığı qətllə bağlı Səbail RPİ tərəfindən əməliyyat-axtarış tədbirlərinin həyata keçirildiyi vurğulanır.

Əldə etdiyimiz məlumatda isə 1989-cu il təvəllüdlü Həsən Namiq oğlu Həsənovun əvvəldən bəzi gənclərlə şəxsi zəmində ədavəti olduğu iddia edilir. H.Həsənovun dalaşqan bir gənc olduğu deyilir və mərhum bir neçə dəfə şəhərin mərkəzində dava salıbmış.

Xatırladaq ki, yanvarın 6-da, axşam saatlarında H.Həsənovun gəzməyə çıxardığı itin naməlum şəxsə hürməsinin davaya və qətlə səbəb olduğu ilkin ehtimaldır.