Paytaxtın Xətai rayonu ərazisində oğurluq hadisəsi baş verib.

Axar.az-a verilən xəbərə görə, yanvarın 19-u gecə saat 4 radələrində Biləsuvar rayon sakini Rahim Nəsirova məxsus 32 baş mal-qara oğurlanıb.

Bu barədə redaksiyamıza məlumat verən R.Nəsirov şübhələndiyi şəxsin olduğunu, bununla bağlı polisə məlumat verdiyini bildirib:

"Yanvarın 19-da rayondan 65 baş mal-qara gətirmişdim. Dünən gecə saat 2-də mal-qara satdığım yerdən ayrılıb evə getmişəm. Həmin gün onlardan 13 başını satdım. Səhər saat 8-9 radələrində iş yerimin qarşısına, yəni mal-qara saxladığım yerə gələndə tövlənin qapılarının açıq olduğunu, içəridə isə bir dənə də olsun heyvan qalmadığını gördüm. Ətraf ərazilərdə axtarış apardım və 20 baş qoyun tapa bildim. Qalanları yox idi".

R.Nəsirov hadisə ilə bağlı dərhal polisə məlumat verdiyini deyib:

"Hazırda Xətai rayon 36-cı polis bölməsi işi araşdırır. Şübhələndiyim şəxs var".