Ana səhifə Toplum |
Dövlət Sosial Müdafiə Fondunun sədri Elman Mehdiyev Qax rayonunda vətəndaşlar üçün qəbul keçirib.
Fonddan Axar.az-a verilən məlumata görə, "Açıq qapı" şəraitində keçirilən görüşdə sosial sığorta ödəyiciləri və pensiyaçıların müraciətləri ilə bağlı konkret qərarlar qəbul olunub.
Fond sədrinin Qax rayon şöbəsinin inzibati binasında Qax, Şəki, Oğuz, Zaqatala və Balakən rayonlarının sakinləri olan məcburi dövlət sosial sığorta ödəyiciləri və pensiyaçılar üçün keçirdiyi qəbulda vətəndaşların müraciətləri dinlənilib.
Qəbula gələnlərin müraciətləri əsasən sosial sığorta və pensiya təminatı, o cümlədən sosial sığorta stajının müəyyənləşdirilməsi, pensiyaların məbləğinin yenidən hesablanması, başqa dövlətlərin ərazisində qazanılmış iş müddətlərinin sığorta stajına daxil edilməsi, həmçinin əmək pensiyası növünün dəyişdirilməsi və digər məsələləri əhatə edib. Müraciətlərin bir neçəsi isə məcburi dövlət sosial sığorta haqları ilə bağlı olub. Qəbulda ümumilikdə 30-dan çox vətəndaşın müraciətlərinə baxılıb.
Qəbul zamanı bütün müraciətlər araşdırılıb və Elman Mehdiyev qaldırılan məsələlərin həll olunması üçün müvafiq rayon şöbələrinin rəhbərlərinə, həmçinin Fondun digər vəzifəli şəxslərinə konkret tapşırıqlar verib.
Tarix
2015.06.02 / 18:50
|
Müəllif
Nigar İxtiyarqızı
|