Ana səhifə Toplum |
18:37
Lənkəranda ağır yol-nəqliyyat hadisəsi baş verib.
Axar.az Report-a istinadla xəbər verir ki, hərəkətdə olan iki VAZ-2107 markalı avtomobil toqquşub. Zərbənin təsirindən hərəkət istiqamətini dəyişən VAZ-lardan biri əks istiqamətdə hərəkətdə olan "Mersedes" markalı mikroavtobusla toqquşub. Hadisə zamanı 5 nəfər müxtəlif dərəcəli bədən xəsarətləri alıb. Yaralılar Lənkəran Rayon Mərkəzi Xəstəxanasına yerləşdiriliblər. İlkin məlumata görə, yaralılardan birinin vəziyyəti ağır, digərlərinin orta ağırdır.
Hadisə yerinə cəlb olunan FHN-in xilasediciləri mikroavtobusda sıxışaraq köməksiz vəziyyətdə qalan sərnişinləri deformasiyaya uğrayan nəqliyyat vasitəsindən çıxarılıblar.
Faktla bağlı araşdırmalara başlanılıb.
***
Fövqəladə Hallar Nazirliyi (FHN) Lənkərandakı qəza ilə bağlı məlumat yayıb.
FHN-in "112" qaynar telefon xəttinə Lənkəran şəhərində “Mersedes” markalı mikroavtobus və VAZ markalı minik avtomobilinin toqquşması barədə məlumat daxil olub.
Hadisə yerinə cəlb olunan Cənub Regional Mərkəzinin xilasetmə qüvvələri sıxılı vəziyyətdə qalan 1 nəfəri deformasiyaya uğrayan "Mersedes" markalı mikroavtobusdan çıxararaq aidiyyəti üzrə təhvil veriblər.
Tarix
2021.05.16 / 19:48
|
Müəllif
Axar.az
|