Axar.az
Yuxarı

Kamran Əliyev yenidən vitse-prezident seçildi

Ana səhifə Toplum
12 Punto 14 Punto 16 Punto 18 Punto

20-21 oktyabr tarixlərində Rusiyanın Sankt-Peterburq şəhərində dünya prokurorlarının ilk və yeganə qlobal təşkilatı olan və 170-dən çox dövlətin üzvü olduğu Beynəlxalq Prokurorlar Assosiasiyasının (BPA) İcraiyyə Komitəsinin hibrid formatda 52-ci iclası və 26-cı illik ümumi yığıncağı keçirilib.

Baş Prokurorluqdan Axar.az-a bildirilib ki, tədbirlərdə Baş prokurorlar daxil olmaqla, prokurorluq orqanlarının rəhbər şəxsləri, nüfuzlu beynəlxalq təşkilatların yüksək vəzifəli nümayəndələri iştirak ediblər.

Hər iki iclasda ölkəmiz Baş prokuroru, Assosiasiyanın İcraiyyə Komitəsinin üzvü və vitse-prezidenti Kamran Əliyevin rəhbərlik etdiyi nümayəndə heyəti tərəfindən təmsil olunub.

Oktyabrın 20-də İcraiyyə Komitəsinin açılış iclasında Assosiasiyanın müvafiq komitələrinə yeni üzvlərin qəbulu həyata keçirilib, dünya prokurorlarının fəaliyyətini təkmilləşdirmək məqsədi daşıyan bir sıra təşkilati məsələlər, həmçinin qurumun fəaliyyətinin təşkili üçün zəruri olan hesabat və sənədlər müzakirə olunub.

İclasda çıxış edən Baş prokuror prokurorluq orqanlarının fəaliyyətinin və strukturunun təkmilləşdirilməsi istiqamətində aparılmış hərtərəfli və institusional tədbirlər, kadr potensialının gücləndirilməsi, yeni nəsil prokurorların formalaşdırılması və peşəkarlığının artırılması, habelə prokurorluğun maddi-texniki bazasının möhkəmləndirilməsi və işçilərinin sosial müdafiəsinin yaxşılaşdırılması ilə əlaqədar əldə olunmuş uğurlu nəticələr barədə ətraflı məlumat verib.

BPA-nın icraçı direktoru xanım Yanne Holst Hübner tərəfindən ölkəmizin Assosiasiyanın işində fəal iştirakı, təşəbbüskarlığı və səmərəli təmsilçiliyi qeyd olunmaqla Respublika Baş Prokurorluğunun BPA-nın fəaliyyətində verdiyi dəyərli tövhələrə görə təşəkkür ifadə olunub.

Bundan əlavə, BPA-nın Baş konsulu Qari Len Balç tərəfindən Assosiasiyanın elektron səhifəsinin mühüm bölümü olan Korrupsiyaya qarşı Mübarizə aparan Prokurorlar Şəbəkəsinin (NACP) fəaliyyətinin təkmilləşləşdiriməsində Azərbaycan Prokurorluğunun aparıcı rolunu və hərtərəfli dəstəyini vurğulamaqla bu sahədə tərəfdaşlığın uğurla davam etdiyini bildirib.

İcraiyyə Komitəsinin iclası çərçivəsində, Türkiyə Respublikasının Baş Prokurorluğu tərəfindən 2023-cü ildə BPA-nın 10-cu Şərqi Avropa və Orta Asiya Regional Konfransının İstanbulda keçirilməsinə dair irəli sürülmüş təklif müzakirəyə çıxarılaraq sözügedən Konfransın 2023-cü ilin may ayında Türkiyədə keçirilməsinə dair müvafiq qərar qəbul edilib.

Oktyabrın 21-də keçirilmiş Assosiasiyanın 26-cı Ümumi Yığıncağında BPA-nın prioritet istiqamətləri üzrə görülən işlər nəzərdən keçirilib, habelə qurumun Maliyyə nəzarəti və Çətin vəziyyətdə olan prokurorlar komitələrinin protokolları qəbul edilib. Eyni zamanda, həmin komitələrin tərkibi ilə bağlı səsvermə aparılmaqla, BPA-nın İcraiyyə Komitəsinə hazırda müvafiq regionlarda fəaliyyət göstərən və vakant olan regionlar üzrə yeni üzvlərin qəbulu həyata keçirilib.

Ümumi Yığıncaq zamanı keçirilmiş müvafiq seçkilər nəticəsində 2010-cu ildən etibarən BPA-nın İcrayyə Komitəsinin üzvü, 2018-ci ildən etibarən isə vitse-prezidenti vəzifəsini daşıyan Baş prokuror Kamran Əliyev növbəti dəfə 3 illik müddətə BPA-nın vitse-prezidenti vəzifəsinə yekdilliklə seçilib.

Tarix
2021.10.21 / 19:58
Müəllif
Axar.az
Şərhlər
Digər xəbərlər

Bakıda NATO-nun təlim kursları başladı

Narkotiki torpağa basdıran şəxs saxlanıldı

Son bir ayda dəm qazından zəhərlənənlərin sayı açıqlandı

Kürdəmirdə qanunsuz ov edən şəxslər tutuldu

Zəngilanın "Ağıllı kəndi" bu cür qurulur - Video

Maştağada 8 evi soyan şəxslər saxlanıldı - Video

Minaya düşən bu şəxslərə əlillik veriləcək

Füzulidə ermənilərin atıb qaçdığı silah-sursat aşkarlandı

Məktəbdən şagirdlə bağlı açıqlama: Müəllimləri söyür

Ağdamın Keştazlı kəndi - Video

KULT
<>
Xəbər xətti
  
  
  
  
yatsan
Axar.az'da reklam Bağla
Reklam
Bize yazin Bağla