ABŞ-ın Kanzas ştatında baş verən hadisə bütün dünya ictimaiyyətinin marağına səbəb olub.

Axar.az xarici mətbuata istinadən xəbər verir ki, "Voulmart" mağazasından oğurluq etməyə çalışan Sara Robinsonu işçilər tutub və polisə müraciət ediblər. Hadisə yerinə gələn polis Saranı həbs etmək əvəzinə qucaqladıqdan sonra azadlığa buraxıb. Bunun səbəbi isə polisin Sara ilə söhbəti olub.

Sara polisə uşaqları ilə çətin vəziyyətdə qaldığını, maşında yaşadığını və oğurluğu övladları üçün etdiyini deyib. Bundan sonra Kanzas polisi xanımı azadlığa buraxıb, oğurladığı məhsulların pulunu isə özü ödəyib.

Jurnalistlərə açıqlama verən polis Mark onun çıxılmaz vəziyyətdə olduğunu bildirib:

"Voulmart" onu cinayətkar hesab edə bilər, amma mən uşaqları ilə birgə çətin günlər yaşayan və çıxılmaz vəziyyətdə olan ana gördüm".