09:05

Tiflisin "Vağzal meydanı" metrostansiyası yaxınlığında yerləşən geyim bazarında güclü yanğın baş verib.

Axar.az xəbər verir ki, bu barədə "Sputnik Gürcüstan" məlumat yayıb.

Hadisə yerinə yanğınsöndürən briqadalar cəlb olunub, alovun lokallaşdırılması üçün işlər aparılır.

İlkin məlumatlara görə, xəsarət alan yoxdur.

Gürcüstan Daxili İşlər Nazirliyinin Fövqəladə Halların İdarəolunması Xidməti xəbəri təsdiqləyib.

***

Tiflisdə vağzal bazarı ərazisində baş verən güclü yanğın söndürülüb.

Bu barədə Gürcüstan mediası məlumat yayıb.

Yanğın səhər saatlarında başlayıb - mağazaları, meyvə, tərəvəz və geyim anbarlarını əhatə edib.

Bildirilib ki, xəsarət alanlar yoxdur. Yanğının səbəbi hələ ki, məlum deyil.