22 iyulda Türkiyənin Şanlıurfa vilayətinin Ceylanpınar rayonunda PKK terrorçularının 2 polisi öldürdüyü təsdiqlənib.

Axar.az xəbər verir ki, bu barədə Türkiyənin "Star" qəzeti yazıb.

Qəzet terrorçuların polisləri öldürməklə bağlı rabitə danışıqlarını yayımlayıb.

Baş nazir Əhməd Davudoğlu terrorçuların söhbətini dinlədikdən sonra isə Qəndili bombalamaq barədə əmr verib.

22 iyulda Bakı vaxtı ilə saat 15:04-də Şanlıurfada "Rojhat" və "Ararat" kod adlı terrorçular arasındakı rabitə danışığını təqdim edirik:

Ararat: Səhər 6-da Ceylanpınarda iki polis öldürülüb, silahları və şəxsiyyət vəsiqələri isə götürülüb.

Rojhat: Ok.

Ararat: Biri Kırşəhərdən Fəyaz Özsəhra, digəri isə Niğdədən Okan Acardır.

Rojhat: Ok.

Ararat: Bu hücum Suruçdakı (20 iyul) terrora cavabdır.

Rojhat: Ok.

Ararat: Hücumu təşkil edən uşaqlar etibarlıdır.

Rojhat: Polislər evin qarşısında öldürülüb?

Ararat: Evin içində.

Qeyd edək ki, sözügedən polislər 22 iyulda Ceylanpınardakı evlərində ölü olaraq tapılıb. İyulun 24-də isə Türkiyə Şimali İraqdakı PKK düşərgələrini bombalayıb.