Dövlət Məşğulluq Xidməti yanvar-iyul aylarında 16 min 140 nəfərə yaxın vətəndaşı işlə təmin edib.

Əmək və Əhalinin Sosial Müdafiəsi Nazirliyindan Axar.az-a verilən məlumata görə, sosial müdafiəyə xüsusi ehtiyacı olan və işə düzəlməkdə çətinlik çəkən 445 nəfər kvota üzrə müəyyən edilmiş iş yerləri ilə təmin olunub.

1903 nəfər şəxs dərzi, kompüter istifadəçisi, bərbər, qaynaqçı, tikişçi, dülgər, qənnadçı, mebel quraşdırıcısı və s. peşələr üzrə peşə hazırlığı və kurslara cəlb edilib.

Xidmətin peşə hazırlığı və kurslara cəlb etdiyi şəxslərdən 200 nəfərə yaxını əlilliyi olan insanlardan, penitensiar müəssisələrdə cəza çəkməkdən azad ediləcək şəxslərdən, internat məktəblərini bitirmək ərəfəsində olan və valideyn himayəsindən məhrum olmuş gənclərdən ibarət olub.

DMX tərəfindən 760 nəfər haqqı ödənilən ictimai işlərə cəlb edilib, 60.860 gəncə gələcəkdə düzgün peşə seçiminə köməklik məqsədilə peşəyönümlü məsləhətlər verilib.