ABB mobil (mobile) artıq 200-dən çox ödəniş xidmətini müştərilərinə təqdim etməklə vətəndaşların kommunal, rüsum, kredit və s. ödənişlərini rahatlaşdırır.

Axar.az xəbər verir ki, bu gündən isə ABB mobildə “Azəriqaz”ın smart kartlarına təmassız ödəniş funksiyası da aktivdir.

Əpl (Apple iOS) istifadəçiləri ABB mobil ilə “Gallus” smart kartlarının, Android istifadəçiləri isə “Gallus” və “Zenner” kartlarının balansını artıra bilərlər. İndiyə qədər bu əməliyyat üçün müxtəlif ödəniş terminallarına yaxınlaşmaq lazım gəlirdi.

ABB mobil tətbiqində yaradılmış bu imkandan faydalanmaq üçün istifadəçi kommunal ödənişlərdən “Azəriqaz”a keçid edib, “Gallus” və ya “Zenner” kartları üzrə ödəniş etmək üçün kartı telefonun arxa hissəsinə yaxınlaşdıraraq istədiyi məbləği daxil edir. ABB mobil vasitəsilə təmassız şəkildə həm yeni ödəniş aparmaq, həm də ödənişi bərpa etmək olar.

ABB-nin müasir, faydalı və universal məhsul və xidmətləri barədə məlumatları Bankın filial və şöbələrindən, https://abb-bank.az/ rəsmi internet səhifəsindən və ya 937 nömrəli Məlumat Mərkəzindən, həmçinin rəsmi Feysbuk səhifəsindən əldə etmək olar.