Azərbaycanın təhsil ocaqları da uzun illər ermənilərin işğalından əziyyət çəkib. Onlardan biri də Qarabağda yeganə ali məktəb olan Xankəndi Dövlət Pedaqoji İnstitutu olub. Ermənilər Qarabağda özlərinə yer etikdən sonra azərbaycanlıları bu təhsil ocağından kənarlaşdırmışdılar. İnstitutun adı isə saxtalaşdırılaraq dəyişdirilmişdi. Artıq Xankəndinin Azərbaycanın nəzarətinə keçməsi institutun fəaliyyətinin bərpasını gündəmə gətirir. Bəs Xankəndi Dövlət Pedaqoji İnstitutu fəaliyyətini bərpa edə bilərmi?

Axar.az xəbər verir ki, Elm və Təhsil Nazirliyindən Trend-ə sözügedən mövzunun hazırda müzakirə mərhələsində olduğu bildirilib.

"Müzakirənin nəticələri ilə bağlı ictimaiyyətə məlumat veriləcək", - deyə nazirlikdən qeyd edilib.