11:02

Gürcüstanda azərbaycanlıların kompakt yaşadığı Bolnisi Bələdiyyəsinin Mamxuti (Saraçlı) kəndində 70 yaşlı qadın yaşadığı evdə ölü tapılıb.

Axar.az APA-ya istinadən xəbər verir ki, qadının meyitini tapan kənd sakinləri ətrafda qan izləri gördüklərini bildiriblər.

Yaşlı qadının evdə tək yaşadığı bildirilib.

Hadisə yerinə polis cəlb olunub, meyit ekspertizaya aparılıb.

***

Gürcüstanın Bolnisi Bələdiyyəsinin Saraçlı (Mamxuti) kəndində yaşlı bir qadının evində ölü tapılması faktı üzrə Gürcüstan Daxili İşlər Nazirliyi (DİN) tərəfindən istintaq başladılıb.

DİN-dən verilən məlumata görə, istintaq Gürcüstan Cinayət Məcəlləsinin 108-ci maddəsi (qəsdən adam öldürmə) ilə aparılır.

Hadisənin təfərrüatları barədə əlavə məlumat verilməyib.