Mingəçevirdə avtomobili qəzaya düşən sürücüyə dəyən ziyan ödənilmir.

Axar.az xəbər verir ki, Bakı Sığorta şirkəti təzminat ödəməkdən imtina edib.

Şirkət səbəb kimi qəzanın həmin avtomobilin gəlir məqsədi ilə işlədilərkən qəzaya uğramasını göstərib. Bu hal müqavilə şərtlərində qeyd edilib.

Avtomobil sahibi isə bununla razılaşmır. Mingəçevir sakini Sərxan Rəhimov "Xəzər-xəbər"ə deyib ki, sığorta şirkəti ilə müqaviləni 2012-ci ildə bağlayıb və bunun üçün 1681 manat pul ödəyib. Müqavilənin bitmə tarixi isə 2016-cı ilin noyabrıdır.

Bir neçə gün əvvəl qəzaya düşən S.Rəhimov iddia edib ki, maşına baxış keçirən sığorta şirkətinin nümayəndəsi onu aldadıb.

Sığorta şirkətindən isə bildiriblər ki, zərərçəkən avtomobili gəlin maşını kimi istifadə edərkən qəzaya düşdüyünü ərizəsində qeyd edib.