"Toyota Motor" şirkəti gələn il də avtomobil satışı sahəsində dünya liderliyinə sahib olacaq.

Axar.az xəbər verir ki, bu sözlər şirkətin yeni hesabatında yer alıb. Hesabatda yapon nəhənginin son 11 ay ərzində 9,2 milyon avtomobil satdığı yer alıb.

Qeyd edək ki, hazırda "Toyota"nın bu sahədə əsas rəqibi "Volksvagen" şirkətidir. Alman şirkəti 2011-ci ildən sonra ilk dəfə bu ilin birinci yarısında satış həcminə görə "Toyota"nı üstələsə də, sonradan Avropada şirkət ətrafında baş verən skandallar onun mövqelərini itirməsinə səbəb olub. Bu il ərzində "Volksvagen" 9,09 milyon avtomobil satmağı bacarıb.