Axar.az
Yuxarı

“Müşfiqin cinayət işində Səməd Vurğun...”

Ana səhifə Kult Ədəbiyyat
12 Punto 14 Punto 16 Punto 18 Punto

Bu gün böyük Azərbaycan şairi Mikayıl Müşfiqin anım günüdür.

Axar.az xatırladır ki, Mikayıl Müşfiq 1908-ci il iyunun 5-də Bakı şəhərində anadan olub.

Yaradıcılığa 1926-cı ildə "Gənc işçi" qəzetində çap etdirdiyi "Bir gün" şeiri ilə başlayıb. "Küləklər" adlı ilk kitabı 1930-cu ildə nəşr olunub.

Əmək fəaliyyətinə pedaqoq kimi başlayan şair Bakı orta məktəblərində müəllimlik edib.

Mikayıl Müşfiq həm şair, həm də tərcüməçi kimi ədəbiyyatımızın zənginləşməsində müstəsna rol oynayıb. O, 1930-1937-ci illərdə A.S.Puşkinin "Qaraçılar" (Ş.Abbasovla birlikdə), Taras Şevçenkonun "Kobzar"(Əhməd Cavadla birlikdə), Yegişe Çarensin "Şeirlər", S.Y.Marşakın "Huşsuza bax, huşsuza", M.F.Axundovun "Puşkinin ölümünə şərq poeması" kitablarını tərcümə edib.

Mikayıl Müşfiq yaradıcılığının ən parlaq dövründə repressiyaya məruz qalıb. Onun ölümündə bəzən Azərbaycanın ilk xalq şairi Səməd Vurğunu da ittiham edirlər. Millət vəkili İlyas İsmayılov hələ o vaxtlar - Azərbaycanın Baş prokuroru olduğu zaman Mikayıl Müşfiqin cinayət işinə baxdığını deyir:

"Hələ Azərbaycanın Baş prokuroru işlədiyim zaman Səməd Vurğunun guya Mikayıl Müşfiqə qarşı ifadə verdiyi haqqında şayiələr yayılmışdı. Mən arxivdən Mikayıl Müşfiqin cinayət işini tələb etdim. Cinayət işiylə tanış olduqda deyilənlərin tam əksinə, Səməd Vurğunun onu bacardığı qədər müdafiə etdiyini gördüm. Yazıçılar İttifaqının sədri Anarı çağırıb işlə onu da tanış etdim. Bu gün də Anar müəllim mənim dediklərimi təsdiq edə bilər".

"Yenə o bağ olaydı", "Oxu, tar" kimi şeirləri dillər əzbəri olar Mikayıl Müşfiq 6 yanvar 1938-ci ildə (29 yaşında) güllələnib.

Tarix
2016.01.06 / 17:14
Müəllif
Fatimə İbrahimova
Şərhlər
Memorial Zefer
Digər xəbərlər

Sabir Rüstəmxanlı şagirdlərlə görüşdü

Yazıçı İlqar Fəhmi müsabiqənin qalibi oldu

Döyüş öncəsi bayatı: komandir şəhid oldu

Aydın Balayevin AXC ilə bağlı yeni kitabı nəşr edildi

Qadağan olunan əsəri ona dünya şöhrəti gətirdi

Lukaşenko “1984”-ün satışını qadağan etdi

Şişqaya döyüşü: 4 komando öndə, tabor ardınca…

Əhməd Cavadın şeiri “yoxlanır”, ruslar cavab yazır ki…

Turalın 72 səhifəlik “Möhtəşəmliyin çöküşü”

Kamal Abdullanın Təbrizdə romanı çap olundu

KULT
<>
Xəbər xətti
Axar.az'da reklam Bağla
Reklam
Bize yazin Bağla