Qazaxıstan Prezidenti Nursultan Nazarbayevin Azərbaycan və Ermənistana olan səfərləri ləğv edilib.

Axar.az xəbər verir ki, bu sözləri öz Feysbuk səhifəsində Qazaxıstan prezidentinin mətbuat katibi Aydos Ukibay paylaşıb. Onun sözlərinə görə, prezidentin səfərləri xəstələnməsi ucbatından təxirə salınıb.

O, Nazarbayevin yerinə İrəvandakı Kollektiv Təhlükəsizlik Müqaviləsi Təşkilatının iclasında Qazaxıstan baş nazirinin iştirak edəcəyini bildirib.

Qeyd edək ki, dünən Qazaxıstan Prezident Administrasiyası Nazarbayevin soyuqladığı barədə xəbər yaymışdı. Bundan sonra Bakı səfərinin ləğv olunduğu gündəmə gəlmişdi.