Əsas məsələ Şəki kəndinə (Ermənistanın Zəngəzur bölgəsindədir - red.) soxulan və erməni Ani Avetisyanı yaralayan Azərbaycan əsgəri Nəsimi Musayevin bütün vasitələrlə Bakıya ekstradisiya edilməsinin qarşısını almaqdır.

Axar.az xəbər verir ki, bunu müxalif “Güclü Ermənistan” fraksiyasının rəhbəri Narek Karapetyan jurnalistlərə açıqlamasında deyib.

“Dövlət açıq şəkildə bildirməlidir ki, azərbaycanlı əsgər öz vətəninə ekstradisiya olunmayacaq”, - o bildirib.

Qeyd edək ki, azərbaycanlı əsgər Nəsimi Musayevin Ermənistanda saxlanılması barədə məlumat 1 oktyabrda yayılıb. 2 oktyabrda isə onun barəsində 2 aylıq həbs qətimkan tədbiri seçilib.

N.Musayevin 26 sentyabrdan hərbi hissəni özbaşına tərk etdiyi iddia olunur.