Axar.az
Yuxarı

Axar.Az Logo

SSRİ-nin bərpası məsələsi nədən gündəmə gəlib?

Ana səhifə Gündəm
12 Punto 14 Punto 16 Punto 18 Punto

Yeni SSRİ-nin yaradılması xülyadan başqa bir şey deyil.

Bu sözləri Axar.az-a açıqlamasında sabiq dövlət müşaviri Qabil Hüseynli deyib. Politoloq hesab edir ki, SSRİ-nin bərpasını istəyənlər bir şeyi unudurlar ki, o dövrdə sosializm quruluşu mövcud idi:

“Yəni cəmiyyətdə xüsusi mülkiyyət yox idi, tam olmasa da, nisbi bir ictimai bərabərlik vardı. Bu, marksist nəzəriyyəsi əsasında formalaşmış bir cəmiyyət idi və onu ictimai inkişafın yüksək pilləsi kimi təqdim edirdilər. Ancaq bu gün SSRİ-ni yenidən yaratmaq istəyənlər başa düşmürlər ki, insanlarda nostalgiya məhz hissi sosializmə görə mövcud idi. İndiki Rusiyada - xüsusi mülkiyyət və oliqarxların meydan suladığı bir cəmiyyətdə insanları sosializmə cəlb etmək asan məsələ deyil. Bu gün Qorbaçovun SSRİ-nin bərpasından danışmağa mənəvi haqqı yoxdur. O, SSRİ-ni dağıdan qüvvələrdən biridir və millətlərarası münaqişələrin yaranmasına rəvac verdiyinə görə də böyük məsuliyyət daşıyır. Görünür, Rusiyada SSRİ-ni məhz marksizm-leninizm nəzəriyyəsi əsasında deyil, indiki mövcud Rusiya şəraitində bərpa etməyi arzulayırlar. Ancaq bu zaman heç bir SSRİ-dən söhbət gedə bilməz. Bu, sosializmdən uzaq, burjuaziya və proletariatın mövcud olduğu bir cəmiyyət olacaq”.

Politoloq deyib ki, züqanovların arzuladığı SSRİ çar Rusiyasının bərpasından başqa bir şey deyil:

“Bu ideyalar niyə yayılır? Çünki Rusiyada Putinin bilavasitə rəvac verdiyi bir proses başaldılıb. Bu, əvvəl Rusiyanın tərkibinə daxil olan ölkələrin yenidən Rusiyaya birləşdirilməsi və böyük imperiyanın yenidən bərpası ideyasıdır. Bu isə mümkünsüzdür. Çünki dünyanın bir nizamı və formalaşmış sərhədləri var. Ona görə də nə Züqanovun, nə Qorbaçovun, nə də Putinin dediyi SSRİ-ni bərpa etmək mümkündür. Çünki təkcə SSRİ adlı ittifaq yox, SSRİ daxili iqtisadi, siyasi, mədəni münasibətlər və ictimai quruluş da dağıdılıb. Əslində, SSRİ-ni bərpa etmək istəyənlərin əlində real planları, hətta insanları bu birliyə şüurlu surətdə cəlb etməyin yolları yoxdur. Buna görə də yeni SSRİ-nin yaradılması xülyadan başqa bir şey deyil”.

Qeyd edək ki, SSRİ-nin son prezidenti Mixail Qorbaçov bir müddət öncə İttifaqın yeni formatda bərpasının mümkünlüyün dilə gətirib.

Rusiya Kommunist Partiyasının sədri Gennadi Züqanov isə Rusiya, Belarus, Qazaxıstan və Ukraynanın gələcəkdə yeni ittifaq dövləti yarada biləcəyini açıqlayıb.

Ümumrusiya İctimai Fikrin Tədqiqatı Mərkəzinin SSRİ-nin yenidən bərpa olunması ilə bağlı keçirdiyi sorğuda 63 faiz SSRİ-nin süqutundan təəssüfləndiyini bildirib.

Ruslar SSRİ-nin bərpasını istəməsələr də, 52 faiz keçmiş postsovet ölkələrinin yeni ittifaqda birləşməyinə inanırlar.

Tarix
2016.12.24 / 09:53
Müəllif
Aygün Yusibova
Şərhlər
Digər xəbərlər

ATƏT-in Minsk qrupunun fəaliyyəti mənasızdır - “Foreign Policy”

“Dağlıq Qarabağ” olmadığı kimi “status” məsələsi də yoxdur

Zəngilanı Naxçıvanla birləşdirəcək yol nə vaxt hazır olacaq?

Təbrizlilər meydana çıxdı: xəsarət alanlar var - Video

Prezidentə jurnalistlərin binası ilə bağlı müraciət edildi

Cəbrayılın Sofulu kəndindən görüntülər - Video

Rusiya seçkiyə gedir, başı qarışır, Bakı nə edəcək... - Zakaryan

Sülhməramlılar deyir ki, atəşin günahkarı İrəvandır, səbəb isə...

İrandan Ermənistanla sərhəddəki insidentə reaksiya

Daha bir erməni zabit öldü

KULT
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla