Türkiyədə yaşayan tanınmış alim, professor, “Enpolitik” saytının köşə yazarı və Dünya Azərbaycanlıları Koordinasiya Şurasının üzvü Aygün Attar Prezident İlham Əliyevi doğum günü münasibətilə təbrik edib.

Axar.az xəbər verir ki, İlham Əliyevin 13 illik prezidentlik dövrünə toxunan xanım rektor bu müddət ərzində ölkənin böyük inkişa yolu keçdiyini, beynəlxalq arenada söz sahibi olduğunu deyib:

“Bu gün Azərbaycan Prezidenti İlham Əliyevin 55-ci doğum günüdür. Prezidenti ən səmimi və içdən duyğularla təbrik edir, xoşbəxt, firavan, uğurlu illər arzu edirəm.

Qərbin müsəlman ölkələri haqda səhv düşüncəsini geyimi, üstün nəzakəti və mədəniyyəti ilə ortadan qaldıran yeganə lider olduğuna görə fəxr edirik.

İlham Əliyevin beynəlxalq siyasətdə yürütdüyü strateji həmlələr, ağıllı xarici siyasət Azərbaycanı bölgənin ən sabit ölkələrindən birinə çevirib. Yaxın çevrəmiz və dünyada baş verənlərə baxdıqda, coğrafiyamızda bu uğurun qiymətini bilməyimiz vacibdir.

Azərbaycan iki fərqli və bir-birinə nifrət edən ölkələr olan İran və İsrail ilə siyasi və iqtisadi əməkdaşlıq edən nadir dövlətlərdən biridir.

Azərbaycan bir-biri ilə sıx rəqabətə girən, iki fərqli qütbü təmsi edən ABŞ və Rusiya ilə hərbi, siyasi, iqtisadi münasibətləri paralel şəkildə uğurla davam etdirən bir ölkədir”.