Ana səhifə Gündəm |
İranda yaşayan azərbaycanlı fəal Murtaza Muradpur azadlığa buraxılıb.
Axar.az xəbər verir ki, bu barədə onun qardaşı Fərdin Muradpur məlumat verib.
Onun sözlərinə görə, qardaşı dekabrın 29-da axşam sərbəst buraxılıb.
Fərdin Muradpur qardaşını dərhal xəstəxanaya apardıqlarını deyib. Həkim müayinəsindən keçdikdən sonra böyrəklərinə və ürəyinə ciddi ziyan dəymədiyi bəlli olub:
“Sadəcə, bədəni susuz qaldığından və aclıq çəkdiyindən ağrıları var. Həkimlər tədricən bunun keçəcəyini deyirlər. İndi evdədir, istirahət edir”.
Qeyd edək ki, ana dilində təhsil və Urmiyə gölünün qurumasının qarşısının alınmasını tələb edən fəal bir neçə dəfə həbs olunub. O, azadlığa buraxılması tələbi ilə aclıq aksiyasına başlayıb. 65 gün aclıq aksiyası keçirən 29 yaşlı fəal anasının xahişi ilə bir gün öncə aksiyanı dayandırıb.
Tarix
2016.12.30 / 13:50
|
Müəllif
Hacı Qulu
|