"Ermənistan heç vaxt Dağlıq Qarabağın Avrasiya İttifaqına qoşulması barədə bir söz deməyib".

Axar.az xəbər verir ki, bu sözləri erməni deputat Vaqram Baqdasaryan söyləyib. O, Ermənistan və Rusiya prezidentlərinin bu yaxınlarda görüşlərinin nəzərdə tutulduğunu bildirib:

"Biz bu məsələdə Ermənistanın mövqeyinin sərt olduğuna inanmırıq. Düşünmürəm ki, fikrimizi dəyişməliyik. Məncə, öncə mövcud olan texniki problemlər həll olunub. İndi Avrasiya İttifaqına üzv olan ölkə müvafiq müqaviləni müzakirə edir və bu yaxınlarda Ermənistanla Rusiya dövlət başçılarının görüşü gözlənilir. Məhz bu görüş çərçivəsində qərar qəbul olunacaq".