Axar.az
Yuxarı

Axar.Az Logo

“Dərbənddə ikinci Ermənistan yaşaya bilərik” - SOS

Ana səhifə Gündəm
12 Punto 14 Punto 16 Punto 18 Punto

"Sözün həqiqi mənasında bu dəqiqə Dərbənddə millətçilik və şovinizm siyasəti yürüdülür".

Bu sözləri Axar.az-a açıqlamasında politoloq Qabil Hüseynli söyləyib. O, Abbas Abbasovun Abdullatipovun Qurban Qurbanovun vəzifədən çıxarılmasında mühüm rol oynadığını deyib:

"Kremlin istəyi olmasaydı, Abdullatipov azərbaycalılar arasında böyük hörməti olan və atası da bir zamanlar Dərbəndə rəhbərlik etmiş Qurban Qurbanovu vəzifədən çıxartmazdı. Əvvəllər Dərbənd sırf azərbaycanlılardan ibarət idi. Burada sonradan xeyli ləzgi və avar yerləşdirilib. İndi gətirilən yeni rəhbərin özü də avardır. Sözün həqiqi mənasında Dərbənddə bu dəqiqə millətçilik və şovinizm siyasəti yürüdülür. Bu şovinizm siyasəti Rusiyanın Qafqazdakı maraqlarına qulluq edən bir addımdır. Heyflər olsun ki, bu prosesdə Abbas Abbasov da iştirak edir. Abbas Abbasov və Ramazan Abdullatipov Milyarderlər İttifaqının üzvüdürlər. Bunların arasında ciddi iqtisadi və dostluq əlaqələrinin olduğu məlumdur. Belə bir zamanda Abbas Abbasov millətini sevirdisə, Azərbaycana canı və qanıyla bağlı olan Qurban Qurbanovun vəzifədən kənarlaşdırılmasının qarşısını alardı. Buna onun gücü də çatardı. O isə əksinə, Abdullatipovu Qurban Qurbanovun üstünə qızışdıran adamlardan biridir. Ona görə ki, onların Qurbanov qardaşlarının biznes strukturlarının, həmçinin Dərbənddə torpaq və dövlətdən qalma digər torpaq məsələlərinin bölüşdürülməsində razılığa gəlmələri haqqında məlumatlar var".

Politoloq Azərbaycanın indiyə qədər Dərbəndə kifayət qədər çox investisiya yatırdığını bildirib:

"Amma diqqəti çəkən digər bir məqam var ki, Azərbaycan Dərbəndin infrastrukturunun qurulmasına, orada mədəni obyektlərin tikilməsinə təxminən 120 milyon civarında investisiya yatırıb. İş o yerə çatıb ki, ləzgi millətçiləri tərəfindən burada hətta Heydər Əliyevin heykəlinin başqa yerə köçürülməsi ilə bağlı fikirlər də səsləndirilir. Qurban Qurbanov oradakı azərbaycanlıların və Azərbaycanın maraqlarının müdafiəçisi idi. Görünür, Qurban Qurbanovun istefası ilə Rusiya Dərbənddən vaxtilə Ermənistan və Gürcüstanda etdiyi kimi, azərbaycanlıların sıxışdırılması prosesinə başlayıb. Bu proses deportasiya formasını almasa yaxşıdır.

Azərbaycan dövlətinin ciddi müqaviməti olmasa və bu məsələ lazım gəlsə, beynəlxalq müstəviyə çıxarılmasa, Abdullatipov kimi şəxslər bu işi də Rusiyanın barmağı ilə həyata keçirəcəklər. Mənə elə gəlir ki, azərbaycanlı ziyalılar "Dərbənddən əlini çək" şüarı altında aksiyalara başlamalı və Rusiyanın Dərbənddə yürüdəcəyi avantürist siyasətin qarşısını indidən almağa çalışmalıdırlar".

Tarix
2014.10.26 / 10:00
Müəllif
İlkin Həsənov
Şərhlər
Digər xəbərlər

Adil Qeybulla peyvənd olundu, çağırış etdi

Tibb işçilərinə vaksin məcburi vurulur? - Rəsmi

Şif erməniliyinə davam edir: “Dqr”in “müstəqilliyi”

Paşinyanın Şuşa haqda həqiqəti deməsi İrəvanı silkələyir

Türkiyə Qarsdakı təlimlə bağlı məlumat yaydı

ASALA Ankara və Bakını təhdid etdi: Az qalıb!

Mühüm razılaşma: İrəvana yeni “yumşaq təzyiq” yolu...

ABŞ səfiri İrəvanda Qarabağla bağlı görüş keçirdi

ABŞ-dan Bakıya qarşı ilk açıqlama: başlandı...

Qarabağa qaytarılan ermənilərin – Son sayı

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla